Qazaqstan Respýblıkasy Energetıka mınıstrliginiń buıryǵy  №277

  2016 jylǵy 27 maýsym  Astana qalasy «Investısııalyq baǵdarlamalardy ázirleý, bekitý jáne kelisý, sondaı-aq olardyń iske asyrylýy týraly eseptilikti usyný qaǵıdalaryn bekitý týraly» Qazaqstan Respýblıkasy Energetıka mınıstriniń 2015 jylǵy 27 naýryzdaǵy № 237 buıryǵyna ózgerister engizý týraly «Quqyqtyq aktiler týraly» Qazaqstan Respýblıkasynyń 2016 jylǵy 6 sáýirdegi Zańynyń 2-tarmaǵynyń 50-babyna sáıkes buıyramyn: 1. «Investısııalyq baǵdarlamalardy ázirleý, bekitý jáne kelisý, sondaı-aq olardyń iske asyrylýy týraly eseptilikti usyný qaǵıdalaryn bekitý týraly» Qazaqstan Respýblıkasy Energetıka mınıstriniń 2015 jylǵy 27 naýryzdaǵy № 237 buıryǵyna (Normatıvtik quqyqtyq aktilerdi memlekettik tirkeý tiziliminde № 10941 bolyp tirkelgen, 2015 jylǵy 5 maýsymda «Ádilet» aqparattyq-quqyqtyq júıede jarııalanǵan) mynadaı ózgerister engizilsin: kórsetilgen buıryqpen bekitilgen Investısııalyq baǵdarlamalardy ázirleý, bekitý jáne kelisý, sondaı-aq olardyń iske asyrylýy týraly eseptilikti usyný qaǵıdalarynda: 2-tarmaqtyń 2) tarmaqshasy mynadaı redaksııada jazylsyn: «2) munaı ónimderin óndirýshi – menshik quqyǵynda jáne (nemese) ózge de zańdy negizderde munaı óńdeý zaýyty bar jáne óndiris pasportyna sáıkes munaı ónimderin óndirýdi, sondaı-aq óndirilgen menshikti munaı ónimderin ótkizýdi jáne (nemese) alys-beris shıkizatyn qaıta óńdeý ónimi bolyp tabylatyn munaı ónimderin berýdi júzege asyratyn zańdy tulǵa;»; 18-tarmaqtyń 2) tarmaqshasy mynadaı redaksııada jazylsyn: «2) ınvestısııalyq baǵdarlamanyń qarjy-ekonomıkalyq bóligin iske asyrý týraly esepti tabıǵı monopolııalar salasynda jáne retteletin naryqta basshylyqty júzege asyratyn ýákiletti organǵa jartyldyq esepti kezeńnen keıingi aıdyń jıyrma besinshi kúninen keshiktirmeı jartyjyldyq negizde usynady;»; 20-tarmaqtyń birinshi bólimi mynadaı redaksııada jazylsyn: «20. Munaı ónimderin óndirýshiler tabıǵı monopolııalar salalarynda jáne retteletin naryqtarda retteý men baqylaý salasyndaǵy ýákiletti organǵa «Retteletin naryqtardaǵy baǵany belgileý, retteletin naryq sýbektisiniń ınvestısııalyq baǵdarlamasyn (jobasyn) bekitý jáne túzetý qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń 2014 jylǵy 29 jeltoqsandaǵy № 174 (Normatıvtik quqyqtyq aktilerdi memlekettik tirkeý tiziliminde № 10594 bolyp tirkeldi) buıryǵymen bekitilgen Qaǵıdasynyń 8-qosymshasyna sáıkes munaı ónimderin óndirýshilerdiń ınvestısııalyq baǵdarlamalaryn iske asyrý týraly esepti beredi. Investısııalyq baǵdarlamany iske asyrý týraly esepke ınvestısııalyq baǵdarlamany ótkizilýin rastaıtyn qujattar (tıisti sharttardyń kóshirmeleri, oryndalǵan jumystardy qabyldaý týraly aktiler), oryndalǵan jumystardyń quny jáne shyǵyndar týraly anyqtama, shot-faktýralar, memlekettik qabyldaý komıssııasynyń paıdalanýǵa qabyldaý aktileri, ishki júkqujattar, munaı ónimderin óndirýshilerdiń paıdalanýǵa berý jáne balansqa qabyldaý týraly ishki buıryqtary) qosa beriledi. Qajet bolǵan jaǵdaıda Ýákiletti organ jáne tabıǵı monopolııalar salalaryndaǵy jáne retteletin naryqtardaǵy basshylyqty júzege asyratyn Vedomstvalyq memlekettik organ munaı ónimderin óndirýshiden ınvestısııalyq baǵdarlamany iske asyrý týraly esepti qaraý úshin qajetti qosymsha aqparatty jazbasha nysanda suratady.». 2. Qazaqstan Respýblıkasy Energetıka mınıstrliginiń Munaı ónerkásibin damytý departamenti zańnamada belgilengen tártippen: 1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kún ishinde Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi; 3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi berýdi qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń energetıka vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Energetıka mınıstri Q. BOZYMBAEV «KELISILGEN» Qazaqstan Respýblıkasynyń Ulttyq ekonomıka mınıstri _____________Bıshimbaev Q.Ý. 2016 jylǵy «___» __________ Buıryq Qazaqstan Respýblıkasynyń Ádilet mınıstrliginde 2016 jylǵy 10 tamyzda Normatıvtik quqyqtyq kesimderdi memlekettik tirkeýdiń tizilimine №14100 bolyp engizildi.